PËRSËRI APOKALIPS …

                                 



Nga Arsim Halili

                                 Kullat në legjenda
                                 Tretin  portrete të hijezuara

                                 Simetri  dhembjesh skuq dheun
                                 Gërshetë lidhen ëndrrat
                                 Muret lagen me ofshamen e kohës

                                 Vragë në fytyrë dy mijë  vjet   bartë
                                 Sa herë rrëshqet dheu 
                                 Në oborr dynden eshtrat

                                Kulla  shtroni  sofra
                                Rrotullohet mollë e ndaluar
                                Mos kafshoni mëkatin                             

                                Plaku   me thinjat  e tij
                                Shënon odiseun biblik
                                Ti ngrihu e falë
                                Apokalips  vjen hipur në kalë

                                Në cilën fushë  kalërohet
                                Me heshtjen e qelqtë
                                Në cilat male përgjërohet
                                  Plaku  Ante

                               Heu… Anton  po mirë të rrika
                               Xhaketa  antiplumb
                               Ai e   di  në cilën udhë
                               Krushqit  ngadhnjejnë

                              Marshimin nuk  e ndal
                              Hartat e bio-etnisë
                              Kullojnë  djersë gjaku

                             Heu   Anton  kthehu … kthehu
                             Sa herë klith   erë morti.